Tuesday, February 21, 2012

一生人一定要睇一次嘅森巴嘉年華

喺探戈城好好地,特登趁墟咁走上去里約熱內盧參加森巴嘉年華。其實一個月前喺大街小巻已經有派對,遊客所知嘅森巴巡演sambodromo喺今年二月十八至二十日擧行,十九及二十曰係較出名嗰十三間森巴學校比賽。


啲飛一路都好貴,到䦕場後兩小時,大看台賽道尾山頂位嘅飛都要約五百港幣一張。最貴第九段要三千元以上,廂座更要過萬。咁貴有原因,每間學校用足一年嚟準備同練習。啲衫每件閃閃生輝鬼咁靚,遊客有興趣,可以捭錢買套戲服加入遊行,要買套靚靚服裝的話,承惠七千起,一齊行巡遊價錢另計。一間學校遊行可以有成五千人以上,再加一班歌手、一隊樂師,同專業森巴女郎及舞者。這是每間學校幾千萬甚至過億的大投資,也是有錢遊客的玩意。


我哋唔係有錢遊客,星期日晚去現場碰運氣,睇下開場前有冇平飛,點知時過十點都無平到,只有四圍貢,中間經過一間Samba學校,外邊放着表現服飾,裏面個哥哥好人,俾我哋入去玩同影相。跟住走到附近嘅免費看台睇準備出場。隔住一條臭河(好奇怪,一小時內條河可以轉方向流三次)睇住啲隊伍點準備,呢啲有錢都睇唔到。


有啲隊伍因為收太多遊客,雖然啲衫好靚,但係要保母(每部份都有校方代表控制隊形)執頭執尾,隊形唔齊,變成一班烏合之眾。



 睇到兩點幾, 諗住去另一邊看台入場處碰運氣, 要不然番酒店睇電視, 點知俾我哋用150 Reis (約七百港幣)買到兩張近評判團的地面觀眾席飛,比原價平超過一半, 當然只看到最後三隊的演出, 包括上年的冠軍 Beija-Flor。其實看一隊以經不得了,場面的浩大,震奮人心的主題曲(雖然我不憧葡文, 但同一首歌連續重複唱,再加場刊有歌詞, 連我都可以跟住唱,當然我都係唔知唱乜),華麗的服飾,龐然大物般的花車,性感兼動力澎湃的森巴女郎、一隊的個半小時演出及投入已經係各種感觀的强烈剌激(更有以奶製品為主題的隊伍放出氣味,使整個場區充滿乳酪味)。一個巴西朋友說,演出雖然長達11、12小時,但現場看是不會累,正如他們連續party十幾小時也不累差不多。事實也是如此,是百看不厭,但同時也很費神,不停party都會攰掛。



 
咁近同表演者接觸,同佢哋握手,同佢哋一齊唱歌,而佢哋又好齊咁唱歌舞成個幾鐘,好以一齊開party咁。當中近有年過六、七十的公公婆婆,他們自然不是和年輕的舞者大力跳,但全時間穿上不輕的服裝跳舞轉圈也真厲害。在電視睇報導有講唔少公公婆婆不支暈倒,係乜嘢令佢哋咁搏呢?係傳統? 錢? 名譽? 這三天的大龍鳳背後的人力物力預備工作、傳統傳承,是世界級的,可以是一個很豐富的人類學研究課題。



你就好啦,同Samba名星影相




去到最後一隊,題目講非洲安歌拉民旅對巴西文化的影響 (前兩隊中前隊講牛乳對人的貢獻,後隊、即上年冠軍隊講巴西原住民被欺壓的歴史),每隊帶來的震撼有増無減,當然有遊客喺之前已經走咗(所以我哋先有平飛),徒料!誠然,一晚睇七隊也蠻累人的,但我們仍興致勃勃,完場時更跳出觀眾席,在賽道一齊跳舞,盡興到天光,懐着不捨但勞累的心情回家。

當天睡到下午四點,爛程度比阿根庭的探戈之夜有過之而無不及。 雖然亦心思思想去多次搵平飛,但第二日要去行山,而且當晚有另一個歷險旅程(下回分解),所以無去,後來知道當晚的一隊拿了冠軍。

下次來里約熱內盧,恐怕是以遊客身份,俾人當水魚拑,著起嘉年華服裝走這賽道,但係想到等後時間長、要跳個幾鐘頭、無得睇當晚其他演岀(烏合之眾隊伍演出時間都係來喺大隊中間)、有啲有人家傳統,其實也不好受,到時先算。

No comments:

Post a Comment

You can give comment easier by being our followers. You can also do that as anonymous or put your name in the message. Meet you somewhere in future.