經過個半小時的車程, 兩旁的田地在落日下閃耀? 車廂在冷氣下舒服極了, 好為之前在烈日的街上給龜殼壓累了的身體充電. 終於來到 Medianeira, 幸好車站的公共電話可以打地線, 就聯絡上Juracy. 他駕車來接我們, 一個稚氣未泯的大個子, 他的英文不錯, 和我們溝通不難. 他和父母住在車站附近兩三條街的屋裏. 我所指的屋, 真的是屋, 單層, 有花園有車房, 一進屋, 熱情的媽媽給我們大大的擁抱, Juracy的爸爸也叫Juracy, 走出來不容易在興高采烈的媽媽身後找個身位和我們握手。Juracy的父母只懂少許英文, 他便幫忙翻譯。 為了方便分辨兩父子, Juracy在爸爸前被媽媽叫Juracito (the little Juracy). 母親Catalina是委內瑞拉人, 她在我們來之前已經預備晚餐, 我們當日沒有去看Iguazu瀑布, 早些出發來Medianeira, 不要一家人等我們吃飯. 和我們打招呼的還有一隻chou chou有十二歲, 也不年輕了.
開心地飲過冰凍的啤酒 (全家人都喜觀飲啤酒) 當天晚餐是咖哩肉醫意粉, 煮小扁豆,及沙津, 小扁豆像切開一半的小青豆, 用豬肉, 洋蔥, 薯仔煮, 很易飽, 是Juracy 特別叫Catalina看食譜學來煮的, 他說這是巴西的傳統食物,我們定要試, 她還特地調一種有薑及薄荷的檸檬涷飲, 薄荷是她在花園自己種的. 之後他們想帶我們去跳舞, 但我們經過一天勞碌, 又想上網 (Juracy特地買了一個wifi router, 我幫他安裝好, 大家happy, 阿爸唔駛同個仔爭電腦上網, 可以一齊用自己電腦上網, 而我們也可坐收漁人之利,開行兩部電腦勁上)把瀑布之旅放上網, 便捥拒了. 原來他約了自己朋友蒲吧, 那麼高消費的事就免了,
原本我們睡Juracy的睡/書房 (裏面的床只是一張梳化床), 他在父母的套房打地舖, 我們表示不好意思, 但他說較喜歡有冷氣的套房. 其實當晚也有另一對couchsurfers (Juracy都幾好客) 來但行程延誤了, 所以我們就睡了另一間原本安排給她們的雙人房一晚, 當晚也悶熱, 幸好有風扇, Catalina 建議把大風扇向窗,把蚊吹出,其實我一早就燒蚊香...
第二天我們起床, 已經見Catalina煲咖啡, 桌面放了面包和芝士. 吃過早餐, 我們開始了在Medianeira的超市觀光, 買些我們煮中餐的材料. 去了三間超市,各有平貴,阿媽同個仔都無帶錢(我估唔會老馮掛), 我哋去第一間較貴的超市買咗大部份嘢: 青紅黃椒、白蘿蔔(之後M先發現唔夠粘米粉)、洋葱、牛骨、茄子, 之後去另一間買芽菜,成港幣廿蚊斤,好貴...但呀仔鐘意食,又可以用嚟炒麵, 買。去最後一間,阿媽有account, 唔駛我哋俾錢, 買咗排骨, salami. 番屋企成一點，快快炒咗個面，大家吃得很開心。
食完午飯個鎮唯一一個中國人Anna嚟探我哋,佢喺廣東五十年代去咗古巴(當時係唯一出國方法),做餐館工人至退休,跟做醫生嘅仔去到巴西定居,而家已經七十多歲。佢帶咗自己種嘅苦瓜，可以整苦瓜炒排骨(但係無豆豉,到時improvise啦). 跟住陪佢行去佢個女屋企，見到佢孫女,就嚟讀大學,都幾靚架.有兩隻好大隻嘅狗, 我哋睇下佢種苦瓜嘅花園,同時發現有一棵喺樹幹生出似提子狀嘅莓子. Anna 同我哋傾到唔捨得我哋走,但係我要炆排骨要多啲時間煮飯. 之後我哋走路回家,經過Juracy朋友一家人坐在屋外談天, 原來?家人老婆婆過世, Juracy 感到震驚,我們又喺度坐嚟傾, 有個後生仔讀英文同我哋練習. 就嚟天黑我哋先走到, 成七點半先開始煮飯.
我得番個半小時煮飯,又要煲牛骨湯又要炆排骨,點煮呀?
中國女子獨自在外地生活殊不簡單，要掌握生存之道，必須要有上進心、鎖定目標、隨時single and available，要有觀察力及集中力，面皮要厚，才可仿效全中國女人的偶像鄧文迪，為國増光。
在這𥚃的milonga發生的。一屁股坐在張空櫈上，旁邊的中國女人說，'sorry, my friend is coming!' 只好滾開，然後她的「新朋友」走過來問她坐位空著的嗎？找到了頭，立時容光煥發，站出來自我介紹一番。
又有一次在街上被拋下一句「你是中國人嗎？」與有善同胞異地相逢，寒暄幾句，那揚眉女子便拿出黑梅做起民調來 - 你叫甚麼名字？你的電郵？你從那𥚃來？你現住在那𥚃？你做什麼工作？你們是夫婦嗎？他做什麼工作？那間公司上班？航空公司嗎？可將我的名字加入你的買機票一折名單中嗎？真的不行嗎？還是可以吧，對嗎....
再者，亦有些四面玲瓏、素質甚高，只與老外社交的。
對，我沒有甚麼給你的，只好稍稍讓開，不礙你的大事，但我會站在一旁打氣，吶喊助威！
中國女人，加油呀！
經過上星期日千辛萬苦，搵到本地講華語嘅教會，但又因為無銀仔撘唔到巴士去唔到嘅慘況，這星期日終於有增值咭，可以安然撘車番教會，唔駛好似遊客入去美輪美奐嘅天主教堂但又聽唔明西班牙版本嘅神話 (神的話語)。話哂都係中華基督教會，喺電話中聽到牧師去過窩福 (我喺香港所屬教會)，心想應該唔怕掛，至少可以唔駛入去靚教堂只為觀光。下午四時有崇拜，啱哂我哋呢啲適應咗晚出早歸嘅布市人生活 (我唔敢講係阿根庭人生活，因為總會有早出晚歸嘅農夫罷)。
我們遲咗十五分鐘到達，原來喺巴士上見到嘅華人都喺度，早知跟佢哋早一個站落車啦。嗰度係一間有獨立建築嘅小教堂，一入去見到會眾已經企哂喺度唱歌，之後仲繼續企半個鐘唱，好彩我哋遲啲到，其實仲應該再遲啲，唔駛為企而企，唱詩啫，唔駛一定要企掛。帶唱詩嗰個人帶領祈禱時充滿感情 : 神呀，請差遣我! 請差遣我! 請差遣我! 請差遣我! X N次，周圍啲人嘅"Amen" 聲 surround sound咁四面咁嚟。 Maria 以為係練緊法輪功或靈恩教會聖靈充頭咁（M:呆咗，只好一字一字極緩慢的閉目念天主經抗衡一下）。其實我對呢啲充滿情感嘅教會唔會太過抗拒，因為我來自比較理性及讀經為主的教會，總會覺得可以多一些愛主嘅情感交流。況且係場刊中寫到該教會嘅2012主題為"活出神國度特質"，第一季係秉行公義，啱哂我支笛。佢嘅異象係: 建造實踐、禱告、更新、裝備、相愛、宣教的教會"，使命: "跟隨聖靈浪潮、禀持復興信念、塑造國度人材、完成宣教使命"。都幾Evangelist，同我個教會都幾似。所以我可接受一下其他人嘅唔同。
之後佢哋有歡迎新來賓，所有人都走過來同我哋握手，我無乜所謂，Maria通常都好怕這種熱心教會的熱烈歡迎。（M:當係握手互祝平安反而冇乜特別，只係先前一陣surround sound驅魔人式的熱烈祈禱聲令我有點起雞皮。 ）
跟住有一個叫 Lydia 嘅阿根廷醫生講佢係山區嘅事工，教會有部份捐款用嚟接濟十幾條係離布市廿多小時車程的小數民族材落，佢哋唔識西班牙文，小朋友經常營養不良，無水無電，健康設施不足。其中一條村叫 Wichi el Pintado 佢哋只係飲用一潭和動物共用嘅死水，事工帶食物、衣服、玩具捭兒童，幫村民剪頭髮、醫病等。佢哋好多謝教會，知道係華人教會，就算唔知中國喺邊都會為中國人祈禱。其實呢個事工源自Lydia嗰姐姐，要去幫呢班西班牙文都唔識但會下山向佢求醫嘅村民。令佢知道有呢十幾萬小數民族喺山上存在。之後，佢有異象要去中國宣教，當時佢知道自己有癌症仍然要去，化療令佢無哂頭髮、皮膚乾乾的，但在雲南服侍期間佢生番嘅頭髮由之前嘅金變黑，而皮膚亦變得好似當地少數民族咁，最後再次病發，送回國才去。Lydia繼承姐姐工作。
呢個係好令人感動嘅事，傳道人跟住拿起小信封求為此作奉獻。我就不以為然，呢個教會每月都有幾千peso嘅餘款，況且佢講到秉行公義，喺呢個民主選出嚟嘅政府佢哋唔係應該可以要求政府做啲嘢咩? 後來我知道點解...
個女傳道深受感動，特別一班土著會為中國人祈禱，Lydia姐姐有個"中國心"，喺呢度"中國人"唔係應該保持呢個"中國心"呢? 佢話佢係台灣人，同其他大陸同胞已經係兄弟姐妹了。就算佢準備講題講詩篇22:3、歷代志上15:25-28、下:20:3-4,14-17,21-23，都抛諸腦後，要我們合眼唱甚麼"我的一顆中國心"。 我實感難耐，當他們沈醉在自己不知何謂嘅國民身份認同時，我哋就轉身離開了。（M:就知道他們大唱什麼中國心的時候，AT一定受不了，應該可以不再來這受不了的祟拜~笑）
我慶幸生在香港，對國民身份沒有熱忱，佢哋咁要愛國，點解離開? 因為大陸仍是被所謂共產黨嘅非法政權(非法者，公然違反自己定的國家憲法)蹂躪嘅中華大陸，國之不國，人民生活無出路才會外徒。還要為那"中國"國民身份祈甚麼禱 ? 我真係諗唔到要為魔鬼祈禱嘅理由。（M:錯，魔鬼是一個角色定位，仍要為免我們陷於誘惑而祈禱。）當然共產黨用人民的血汗錢在世界各地扶植親共勢力，呢個教會可能不能幸免。來自大陸嘅華人做慣奴隸，在他鄉自己顧自己，要佢哋入鄉隨族，認同阿根廷人身份，重新塑造公民身份及自己的公民影響力，只係對牛彈琴。
就算唔做阿根廷人 ，做神民更好吧，點解仲諗住當外邦人呢?
開心地飲過冰凍的啤酒 (全家人都喜觀飲啤酒) 當天晚餐是咖哩肉醫意粉, 煮小扁豆,及沙津, 小扁豆像切開一半的小青豆, 用豬肉, 洋蔥, 薯仔煮, 很易飽, 是Juracy 特別叫Catalina看食譜學來煮的, 他說這是巴西的傳統食物,我們定要試, 她還特地調一種有薑及薄荷的檸檬涷飲, 薄荷是她在花園自己種的. 之後他們想帶我們去跳舞, 但我們經過一天勞碌, 又想上網 (Juracy特地買了一個wifi router, 我幫他安裝好, 大家happy, 阿爸唔駛同個仔爭電腦上網, 可以一齊用自己電腦上網, 而我們也可坐收漁人之利,開行兩部電腦勁上)把瀑布之旅放上網, 便捥拒了. 原來他約了自己朋友蒲吧, 那麼高消費的事就免了,
第二天我們起床, 已經見Catalina煲咖啡, 桌面放了面包和芝士. 吃過早餐, 我們開始了在Medianeira的超市觀光, 買些我們煮中餐的材料. 去了三間超市,各有平貴,阿媽同個仔都無帶錢(我估唔會老馮掛), 我哋去第一間較貴的超市買咗大部份嘢: 青紅黃椒、白蘿蔔(之後M先發現唔夠粘米粉)、洋葱、牛骨、茄子, 之後去另一間買芽菜,成港幣廿蚊斤,好貴...但呀仔鐘意食,又可以用嚟炒麵, 買。去最後一間,阿媽有account, 唔駛我哋俾錢, 買咗排骨, salami. 番屋企成一點，快快炒咗個面，大家吃得很開心。
